Lատեքսային պահպանակների ալերգիա (Latex condom allergy). urolog.am

Շատ հաճախ զույգերի մոտ սեռական հարաբերությունից հետո կարող է առաջանալ անբացատրելի քոր և անհարմարավետություն։ Այս ախտանշանը կարող է լինել պահպանակի կամ այլ սպերմատոցիտ միջոցի պատճառով առաջացած ալերգիայի արդյունք։ ԱՄՆ-ի Հիվանդությունների վերահսկման և կանխարգելման կենտրոնների տվյալներով, ամերիկացիների 8-12%-ն ունի ալերգիա` լատեքսի նկատմամբ։ Վերջինիս նկատմամբ ալերգիան սովորաբար զարգանում է դանդաղ և տարիների ընթացքում մշտական օգտագործման կամ շփման արդյունքում։

Որո՞նք են ախտանշանները:

Շատ հաճախ լատեքսի նկատմամբ ալերգիայի նշանները տեղային են՝ շփման հատվածում։

Այդ ախտանշաններն են.

• քոր,
• կարմրություն,
• ցան,
• այտուցվածություն,
• բծավորում:

Կանանց մոտ համակարգային ալերգիկ ռեակցիաներն ավելի հաճախ են հանդիպում, քան տղամարդկանց մոտ, քանի որ լատեքսի սպիտակուցները ավելի արագ են ներծծվում հեշտոցի, քան առնանդամի լորձաթաղանթից։

Համակարգային ալերգիկ ռեակցիաներից են.

• քթահոսություն,
• աչքերի ջրոտում,
• կոկորդի քոր,
• դեմքի կարմրատակում:

Լատեքսային ալերգիան հազվադեպ կարող է բերել անաֆիլակտիկ շոկի զարգացման, որի ախտանշաններն են.

• դժվարաշնչություն,
• կլման դժվարություն,
• բերանի, կոկորդի և դեմքի այտուցվածություն:

Ո՞րն է լատեքսային ալերգիայի պատճառը:

Բնական լատեքսը ստանում են ռետինե ծառից, որը պարունակում է մի շարք սպիտակուցներ։ Այդ սպիտակուցներն ալերգեններ են, որոնց նկատմամբ մարդու օրգանիզմում առաջանում են հակամարմիններ։ Արդյունքում ալերգիկ ռեակցիաներ են առաջանում` ի պատասխան այդ սպիտակուցների օրգանիզմ ներթափանցման։

Շատ հաճախ լատեքսային ալերգիան ուղեկցվում է սննդային ալեգիայով։ Այդ ալեգիան կարող է հանդիպել հետևյալ մթերքներից․

• ավոկադո,
• բանան,
• կիվի,
• լոլիկ,
• կորտոֆիլ,
• պղպեղ,
• շագանակ

Ի՞նչ անել

• Խուսափել լատեքս պարունակող պահպանակների օգտագործումից:
• Օգտագործել ոչ լատեքսային պահպանակներ ( պոլիուրետան, պոլիսոպրեն և կենդանիների կաշվից պատրաստված):
• Խուսափել սպերմատոցիտ քսուկների և լուբրիկանտ գելերի օգտագործումից:
• Դիմել մասնագետի օգնությանը՝ ախտանշանների կրկնության դեպքում:

Հարցեր, պատասխաններ, մեկնաբանություններ